تعمل ايه لو بتنام كتير زيادة عن اللزوم؟
في ظاهرة اسمها Hypersomnia أو النوم الكثير
طبعا كلنا مرينا بيها في الإجازة و ايام الانتخة و بيقولك الناس اللي بتعاني منها بتنام من ١٠ ل ١٢ ساعة كل ليلة يعني نص اليوم يا معلم طبعا انت دلوقتي بتقول يااااه لو نام كدا دا تلاقي بالهم مرتاح ، اقولك بقى أن الموضوع هنا ملوش علاقة ب راحة البال بالعكس الناس دي بتبقى دائما حاسه ب تعب و إرهاق و عندهم حالة كسل رهيبة ، و بيقولك أن الحالة ممكن تحصل بسبب : ضعف في نشاط الغدة الدرقية أو الإصابة ب مرض عصبي (حد مثلا رزعك بحاجة في دماغك ولاقاك بتزعل من الهزار ) و ممكن تكون بسبب حساسية أو مرض قلب أو إكتئاب (الكلمة اللي انت عمال تقولها عمال على بطال و انت مش عارف معناها ) و بيقولك علشان تتخلص من الموضوع دا لازم تحاول تعمل شوية تمارين صباحية كدا تجري الدورة الدموية و انك تظبط منبه و تظبط نومك كدا علشان جسمك ترجعله القوة و تروح ل دكتور ونشوف إذا كان السبب عضوي و تأخدله دواء
تعليقات