متلازمة Walking Corpse Syndrome أو متلازمة كوتار.. عبارة عن ايه؟
متلازمه النهارده اسمها walknig corpus syndrome
و دى متلازمه غريبه و نادره المريض بيتوهم فيها فيها انه ميت او غير موجود و كمان ساعات بيوصل انه بيفكر انه بيتعفن
متلازمة كوتار حتى الآن ملهاش سبب واضح و محدد لإنه مرض نادر و لكن العلماء توصلوا إنه بنسبة كبيرة بيكون جيني
حتى الآن كل إللي توصلوله إن مخ المريض بالمتلازمة دي بيحصل فيه اختلال لأجزاء معينة زي ال fusiform face area (المسؤولة عن التعرف على الوجوه)
المريض بيفقد قدرته على التعرف على وجوه إللي حواليه أو إنه يفتكرها، كمان بيبدأ يفقد التعرف على وشه هو شخصيا وده أكبر سبب بيخليه مع الوقت يقتنع إنه أصلا مش موجود و بيتعامل على هذا الأساس و كمان ال amygdala (المسؤولة عن التحكم في العواطف و المشاعر و الانفعالات)
و لكن المرض ده احتمال جدا يكون مصاحب لبعض الأمراض بعينها زي ورم المخ، الذهان، شلل الرعاش، الفصام، الاكتئاب الحاد، مرض ثنائي القطب، الصرع و السكتة الدماغية
و بعض الأمراض إللي ممكن تأثر على آلية عمل الدماغ زي الاعتلال الدماغي encephalopathy
كمان ممكن جدا يحصل بعد severe brain trauma بعد حادث مثلا أو نزيف ، اكتشفوا إن المتلازمة ممكن تحصل بسبب تعود الجسم على بعض الأدوية زي عقار ال acyclovir و إللي ممكن يسبب أعراض ذهان
و بتتراوح اعرضها ان المريض بيبدأ يجيله وهم الانكار و بتتقسم ل٣ مراحل
اول مرحله اسمها النشوء و شكل المرض بيبدأ فى صوره اكتئاب ذهانى و وساوس ملهاش اساس
تانى مرحله اسمها التفتح و فيها المريض و دى المرحله للى المريض فيها بيتطور من مجرد اعراض بسيطه للوهم الكامل
و المرحله التالته بيتحرل المريض لمريض مزمن
و بيبدأ يهمل فى شكله و مظهره و بيتوهم انه مش موجود او فقد جزء داخلى جواه و بيكون صوره مشوهه عن العالم للى عايش فيه و بيعتبر انه مات و كمان ساعات بيوصل انه بيتوهم انه فى مرحله الخلود
و من امثله مريض ٦٢ سنه -رفض ذكر اسمه- توهم انه مات و برغم انه دخل مصحه يتعالج الا انه فضل متوهم انه ملوش وجود بالعكس كمان حاول الانتحار كذا مره لان كان مفكر انه بدأ يتعفن و انه لو فضل كده هينشر المرض لكل للى حوليه
و مثال تانى طرحه الباحثان يونغ وليفهيد حالة معاصرة لمريض تعرض لإصابة دماغية فى حادثه و بدأت تظهر عليه اعراض المرض وفي يناير 1990، بعد خروجه من المستشفى في إدنبرة و رجع لمسقط رأسه فى جنوب افريقيا كان مقتنع انه مات و اتحاسب و دخل جهنم و كان دليله على كده درجه الحراره للى عايش فيها فى جنوب افريقيا عاليه و، وبأنه مات من تسمم الدم للى كان بيعانى منه فى بدايه رحله علاجه
عندنا كذا طريقة ممكن نعالج بيها المرض ده واحسن طريقة هي انتا نبدأ بالمشكلة الطبيه اللي سببت المرض ده
بيكون في نتايج كويسة بالادوية والعلاج النفسي والعلاج بالكلام لانه بيوفرلهم المساحة اللي يقدروا يتكلمو فيها بأمان عن مشاعرهم ومخاوفهم ف نقدر نساعدهم انهم يلاقوا طرق كويسة للتفكير والتصرف
في شوية ادوية ممكن ياخدها زي :
مضادات الاكتئاب ، ادوية مضادة للقلق
وممكن كمان يتعالج بالصدمة الكهربيه بتكون تيارات كهربيه صغيرة عبر الدماغ بتبدأ تغير كيمياء الدماغ وبتحسن اعراض الصحة العقلية
تعليقات