تعليمات هتخس بيها بسهولة في رمضان
لو قولتلك ان رمضان فرصة إنك تنقى جسمك من السموم أو إنك تحافظ على وزن صحى !
طيب لو قولتلك انه فرصة ذهبية عشان تخس بطريقة صحية .وسهل جدآ تخسر من 5:10 كيلو
ده هيحصل لو مشيت على شوية تعليمات زى :
↗️نتجنب على الفطار الصودا ، نقلل المقليات ،نقلل الحلويات مش بس عشان نخس لكن كمان عشان مناعتنا
↗️ طيب نكسر صيامنا ب اييه؟!!
ببساطة( تمر +ماية ) التمراية الواحدة فيها حوالى من 15:20 سعرة حرارية. وغنية جدآ بعناصر مهمة زى الايودين ، زنك ،والفسفور وغيرهم .
-طيب ليه مش تمر +لبن فى الفطار ؟!!
الإجابة لأنه مش مستحب ناخد بروتين مباشر على معدة خالية فا ممكن ناخد تمر ولبن عادى فى السحور مش الفطار
-بعد التمر والماية سجادتك وسبحتك📿وتصلى المغرب مش بس عشان حركتنا واحنا بنصلى ونسجد مفيدة جدآ لكن كمان عشان نهيىء معدتنا للأكل اللى هناكله .
- تقدر تبدأ اكلك بالشوربة بعدين السلطة ويفضل تحتوى على ( لمون، خل بلسمى أو خل تفاح , زيت زيتون وده دهون مفيدة 45سعر)
-كمان السلطة فى الطبيعى بتكون من( 90:900 سعر) تقدر تتحكم فى مكوناتها بحيث انها تكون خضار صحى 100٪ مش جبن وعيش مقلى مثلاً 🙂
-بعدين تقدر تكمل وجبتك الصحية العادية محسوبة السعرات
- طيب بالنسبة للعصاير والمشروبات ؟!🤔
تبقى المشكلة الأساسية هى السكر ,قبل مانشرب أى مشروب نفكر فى كمية السكر ..واللى عادى جدآ تاخده من عسل النحل لأنه آمن تماماً
-العصاير المعلبة غير مستحبة مش بتكون مفيدة وكمية السكر فيها عالية .
- الياميش واى مشروبات رمضانية تتعمل ب ماية مش لبن زى ما قولنا
دى أهم النصايح واستنونا فى tips جديدة 😊
تعليقات