عمرك سمعت عن مرض يخليك سكران؟

موضوعنا المرة دي عن مرض غريب و ملوش تفسير أو سبب واضح كالعادة. حالة مرضية نادرة و صعبة التشخيص و سهل جدا إن المريض يتعرض للتشخيص الخاطئ بإنه alcoholic أو عنده أحد الأمراض النفسية زي الذهان مثلا. هنتكلم عن Auto-brewery syndrome أو متلازمة التخمر الذاتي.

اللي قدر العلماء يتوصلوله ان بيتم انتاج ماده كبيره من الايثانول ذاتياً عن طريق التخمر الداخلى فى الجهاز الهضمى ، اعراضها مشابهه لاعراض امراض تانيه كتير لذلك لازم يكون فيه فحص دقيق و منعتمدش على مجرد التشخيص من الاعراض و الاعراض دى هى : 

الدوخه ، التجشؤ ، جفاف الحلق و ممكن تسبب تهيج القاولون و انتفاخه و اضطربات نفسيه زى القلق و العصبيه و الاكتئاب و قله الانتاجيه و اهم عرض بيكون مصاحب ليها هو الاحساس بالهزيان و السُكر للى اعراضه بتكون مشابهه لاعراض شرب الكحول بكميه كبيره 

و الاشخاص المعرضيين اكتر انهم يجيلهم المرض ده هما مرضى السكر و للى عندهم فرط نمو فى البكتيريا المعوى و المصابين بالتهاب الامعاء

لسه الابحاث مكتشفتش طريقة محددة اقدر أشخص بيها المرض ده، ف بيعتمد على ال history ، symptoms وال physical examination وكمان بنعمل شوية تحاليل عشان نشوف اذا في خميرة كتير في الامعاء هي المسببة للمرض زي تحليل براز عشان يتأكد من التركيزات اللي مش طبيعية للبكتيريا والفطريات

وتحليل الجلوكوز المريض بياخد كبسولة جلوكوز والمفروض انه مياكلش ولا يشرب اي حاجه قبلها بشوية ساعات وبعدها بساعة تقريباً الدكتور بيفحص نسبة الكحول في الدم لو الشخص ده مش مصاب بتكون النسبة صفر

 لكن لو مصاب بلاقي النسبة ١-٧ ملليجرام/ديسيلتر

كمان انت تقدر تعمل test في البيت (لكنه مش هيكون دقيق اوي) عن طريق انه على معدة فاضيه بتاكل حاجة مسكرة زي بسكوت مثلاً وبعد ساعه استخدم جهاز قياس التنفس ولاحظ مستوى الكحول في الدم لو زاد ولاحظ الاعراض

بالنسبة لل metabolic action فهو بيحصل من خلال التخمير و للى عباره عن ان الخميره و شويه بكتيريا بتحول السكريات لايثانول و ثانى اكسيد الكربون و ده العامل الرئيسى للى بسببه المشكله دى بتطلع و بتكون بيروفات من عمليتين تانيين لكن الجسم بيقدر يتخلص منهم كلهم عن طريق عمليه اسمها التمثيل الغذائى 

لكن لو كان معدل تحلل الايثانول اقل من معدل انتاجه هيحصل تسمم فى الجسم و بيؤدى لمشاكل خطيره ممكن توصل للوفاه لو متلحقش

حتى الان مفيش علاج مباشر و واضح للمتلازمة لكن البروتوكول العلاجي إللي قدر الأطباء يتوصلوله دلوقتي هو الاعتماد التام على تنظيم بكتيريا الأمعاء. زي ما كلنا عارفين غن الجهاز الهضمي معتمد على التوازن ما بين البكتيريا الضارة و النافعة و أي اختلال في التوازن بيكون سبب لمعظم مشاكل الأمعاء. المرض ده تحديدا بيتصف بزيادة بكتيريا الأمعاء بشكل عام و بالتالي زيادة نشاطها. العلاج بيكون غالبا عن طريق Antibiotics أو Anti-fungals و لكن الأهم من ده كله هو تنظيم الدايت و البعد قدر الإمكان عن السكريات لإنها بتكون الغذاء الأمثل للبكتيريا الضارة.

كمان عشان وجدوا إن ممكن جدا يحصل انتكاسة للمريض بعد العلاج أو حتى يحصل رغبة حقيقية للمريض في شرب الكحول! ده بيخلينا نتفهم إن لازم نتعامل مع المريض بمتلازمة التخمر الذاتي بمنتهى الحرص و مع مساعدة الفريق الطبي إللي كمان لازم يعتمد على العلاج السلوكي و الإرشاد النفسي و المتابعة المستمرة