"الكراش دايت" مفيد ليك و لا لا؟
كتير من الناس عندها مفاهيم غلط عن طرق الـweight loss. بعضهم مثلًا بيتجنب الأكل تمامًا بليل، والبعض الآخر بيحاول يقلل عدد الوجبات ف يختصرها في وجبة واحدة بس في اليوم. المفهومين دول غلط وهنشرح دلوقتي السبب.
أول حاجه لازم نفهم إن جسم الإنسان بيتعامل بالـcalorie in/calorie out theory ودي معناها إن الكالوري هو نفس قيمته سواء أخدته الصبح أو بليل أو أي وقت في يومك. الحاجة اللي بتسبب زيادة الوزن ببساطة هي كون إن كمية الكالوريز اللي داخله تكون أكبر من اللي بتتحرق بالـphysical activity.
بالتالي لو الشخص حسب كمية الكالوريز اللي بيحتاجها في يومه يقدر يوزعها زي ما يحب على مدار اليوم.
نظام تقليل الأكل واختصاره في وجبة واحدة في اليوم بعدد كالوريز أقل بفرق ملحوظ عن احتياج الجسم اسمه "Crash Diet." وده نوع من أنواع الـdiets السريعة اللي ممكن تكون effective فعلًا في تقليل الوزن ولكنه مضر على المدى الطويل زائد إنه بيخلي الوزن المفقود من العضلات أكتر منه دهون فقوتنا هتقل وصحتنا هتدمر ويُكتسب تاني بسهولة. من أضراره انه بيسبب nutritional deficiencies عشان أكيد الوجبة الواحدة في اليوم مش كافيه إنها تغطي احتياجات الجسم اليومية من كل الـcarbs والـfat وال proteins والـvitamins وال minerals اللي الجسم بيحتاجها في اليوم.
تعليقات